已经唔知道几时开始...

已经唔知道几时开始，我喜欢上唱歌。总记得小时候，每当坐上爸爸嘅车，听住张学友嘅歌曲，口里总是喃喃地跟住唱。

已经唔知道几时开始，我喜欢上FF8嘅女主角。一个身穿白色连身裙嘅女孩，配合着男主角嘅舞步，齐于烟花璀璨的天幕下，演出浪漫的一幕。

已经唔知道几时开始，我喜欢上陈绮贞。一个声音轻柔，随着吉他伴奏，带出个人感性一面的睇法嘅女孩。

已经唔知道几时开始，我喜欢上麦当劳。老麦总会有一种特别嘅吸引力。

已经唔知道几时开始，我喜欢上现实生活的一个女孩。佢简单大方冇机心，切待人如己嘅性格，将我深深的吸引着。

已经唔知道几时开始，我觉得自己成长了。人...总在不自不觉间成长。

多愁善感

好耐冇嚟呢道了。回想一下... 大概有半年了。
每当我觉得唔开心，感觉世界上似乎冇人理解我嘅时候，我就会好不自觉地，打开IE，填上www.groupiestory.blogspot.com
咁...我就嚟佐呢道。

今日似乎一整天都喺道落雨。阴阴的天，冷冷的风，沙沙的雨，就如沉默的自己；不发一语地，自我封闭起嚟。

多渴望佢会察觉我嘅沉默。一个冇原因嘅沉默。

外面嘅世界总是太吵，我总有着想静一静嘅想法，总有着只想佢陪喺我身边嘅想法。

都怪自己平时过于冷淡，佢...或许并唔会察觉我呢个沉默，我呢个多愁善感嘅一面。

一个讲唔完嘅古仔

我有一个讲唔完嘅古仔。咩係一个讲唔完嘅古仔？就係一个讲唔完嘅古仔。係咩讲讲唔完嘅古仔呢？就係一个讲唔完嘅古仔。咁係乜野古仔呢？其实係一个讲唔完嘅古仔。一个讲唔完嘅古仔？冇错，係一个讲唔完嘅古仔...............

话说，从前，有一个和尚讲古仔俾佢徒弟听，佢话：从前，有个和尚讲古仔俾佢嘅徒弟听，佢话：从前，有个和尚讲古仔俾佢嘅土地听，佢话：从前，有个和尚讲古仔俾佢嘅徒弟听，佢话：从前，有个和尚讲古仔俾佢嘅土地听.............

靓仔定唔靓仔，根本唔关事。

星期六，一个充满朝气嘅早上。加上《但丁地域》PSP版出现，令我心情为此一振。

回想沉晚与大学朋友聚旧，我也不期然地叫佐杯香草奶昔。好想寻回当日嘅感觉嘅我，仿佛有某程度上嘅难度。係好，定係唔好？

饮紧嘅同时，望着坐我对面嘅人，回想着戏院门口，佢差点跌亲时，于刹那间将我嘅左手牵住嘅感觉，好奇怪。究竟係咩感觉？又会牵得正正十指紧扣嘅？带点不自然地，讲佐个烂GAG，以为可以化解眼前嘅尴尬，点知却令场面更尴尬。可笑也～

照片中嘅自己，显得份外嘅... 肥... 特别係面部。肥大嘅面部，显得原本已经娇小嘅眼睛变得更娇小。已经变得唔再靓仔了。或者原本就唔靓仔，而家变得更加之唔靓仔。不过，欧阳靖话，其实靓仔定唔靓仔，根本唔关事。呢句话好似係要嚟鼓励我呢啲人嘅。

现状

你追求紧啲乜嘢？我唔知。因为你唔同我讲，我根本就唔会知。

而我追求紧啲乜嘢？如今，我好似麻木地追求紧更多嘅金钱。不断去发掘更多可以令我赚更多钱嘅方法。我有着一份稳定嘅收入，然而，我觉得唔够，我寻找着买卖嘅机会，秘捞帮人做数嘅机会。然而，当我得到金钱之后，得到我物质需求之后，我发觉，我其实并冇预期般开心。

我渐渐感觉到我行紧我老细嘅路。佢虽然搵好多钱，但係我觉得佢并冇佢预期般嘅开心。究竟係点解？难道又係都市人嘅病态？

面前困惑的自己，要如何摆脱眼前嘅困境呢？究竟我要如何创造一个无憾嘅人生呢？

坦白讲，我并不咁于现状。我有好大嘅野心，但係却未有方法去实现我嘅野心。

钱的奴棣

出嚟做嘢，目的只有一个。就係搵钱。我相信呢一句係废话。

然而，也有人会懒係有型，自认清高咁话，出嚟做嘢唔係一味讲钱嘅，要搵嘅係经验。

我觉得呢句说话係好有问题嘅，因为拿经验最终嘅目的其实也係钱。而拿经验只係其中嘅一部棋。对吗？我相信，冇人会否认。

或者，如果我而家係一个歌手，或者，我而家係一个作曲家，或者，我而家係个音乐人；钱就唔会成为我工作嘅第一位了。好可惜，唔係。

既然不能以兴趣为工作，就唯有以能够实现我梦想嘅钱为我嘅工作目标。然而，我发觉咁样係唔开心嘅。

试问，一个钱嘅奴棣又点会开心啊～

我要好返

过年后返工嘅第一日，重伤风，喉咙唔舒服。越夜，越是唔舒服。好似有着发烧嘅倾向。可能天气有关，自己又少饮水啦。

千奇唔好病啊！千奇唔好病啊！

心里面不断重复呢句说话。想也就行动，食药饮犀角水。最重要係要休息啊。

异乡生病係好惨噶... 所以我好怕。皆因身边冇亲人，冇女朋友，都冇朋友。真係自己死自己事。感觉好凄凉。

我要好返... 我要好返...

究竟点解

星期二， 一个似是晴朗却乌云密布的一天

工作，照常的工作。而照肺，不知因何而被照肺。冇端端成个AUDIT TEAM被捉入房里照佐一轮，出嚟之后，大家都唔知究竟自己犯佐何事。摸不着头...

回家之后，清理佐自己堆积如山嘅肮脏衣物。堆积如山，终于也被铲平。收拾完之后，便开始坐喺电脑面前，为自己嘅歌曲而编曲。对于自己一成不变嘅编曲风格，实在唔係好满意。然而，我也知道，冇突破，也唔係我嘅错。因为，突破需要灵感。已经编佐半首嘅歌曲，却遭到我唔满意嘅对待。我的歌，我的歌，实在好对唔住。

回想起沉晚，睇返《食旅》，感觉好温馨，好舒服。朋友，总俾人一种想要依靠嘅感觉。尤其对于冇爱情嘅人而言。

今日，无端端捻起“承诺”二字。我嘅承诺俾佐边个？

係爸爸，妈妈，自己。

我承诺爸爸妈妈要好好照顾自己，我却搞到自己一身病痛；我承诺自己要过得开开心心，我却只活在营造出嚟嘅开心。

究竟点解胃忽然间变得唔舒服？明明我刚刚先食药。

究竟点解会忽然间变得忧郁？明明刚刚我先大笑佐一大轮。

即使係发生喺自己身上嘅嘢，我也唔知道究竟係点一回事。

万箭穿衫

距离大年初一仲有六日嘅时间。今日係星期一，照旧就係返工。

星期一嘅早上，一如往常地迟到五分钟，瞓迟佐嘛。一到公司就继续我未完成嘅工作啦。今个过年之前要死出两份REPORT，确实有啲难度。

今日嘅老细，于午餐之后先入嚟。今日嘅心情，好差啊！当我一听到ADMIN人叫我嘅名嘅时候，我就捻，我已经中招了。果然係咁，对于我手头上BANK CONFIRMATION嘅JOB，老细似乎极度唔满意。结果就係中乱箭穿插。我出嚟嘅时候，心中尽是不忿，身上仿佛多处穿窿。唉... 冇计啦！鬼叫佢係老细，啲嘢我又HANDLE得唔靓咩。

中箭乱射之后唔够一个钟，佢又再叫我见多佢一次。奇怪嘅係，佢忽然间变得唔同，同我讲完一大堆道理之后，仲教我做DIFFERED TAX 添。有时真係觉得我呢嘅老细好似女人。唔好话对得耐就惯，因为我到而家都未惯。

基本上，今日呢件事算係罕有，做佐咁耐，算係第二次吧。基于佢忽然改变嘅态度，所以也冇影响我嘅心情。放工之后嘅心情好似仲有啲兴奋添。就嚟过年嘛.. 唔可以被啲咁嘅事情影响我嘅心情嘅！揸车返屋企，听听过年歌！心情确係唔错。然而，我要KEEP 住...

今晚嘅晚餐，係自己亲手煮，一碗冇云吞嘅云吞面。基于太耐冇住，水与调味料嘅比例放得唔多恰当，所以煮出嚟嘅汤底有点淡.. 唔係难食，只係唔多好食嗻。

一日就嚟要过去啦！离年初一又近一日啦！哈哈... 请啊～

自己

有冇问过自己，自己究竟係一个点样嘅人？

自己係一个唔多靓仔，但唔会丑陋嘅人。

自己係一个算係几懒，但会负责任嘅人。

自己係一个自认大方，但其实小器嘅人。

自己係一个唔识唱歌，但唔会走音嘅人。

自己係一个唔识戴面具，但想要戴面具嘅人。

自己係一个有远大目标，但冇恒心耐性嘅人。

自己係一个脾气暴躁，但唔会伤害别人嘅人。

自己係一个死爱面，又唔认输嘅人。

自己係一个唔係太瘦，都唔会太肥嘅人。

自己係一个装作对所有事情都漠不关心，但却想要打听嘅人。

总结的说，自己係一个唔係太坏，也唔算好嘅一个人。

醒觉

我觉得我面前有一条好长好远嘅路，有点难行。面前浓雾，仿佛见唔到终点。我一路走，一路上只有枯萎嘅树木，同橙黄色嘅天空。呢个就係现时嘅我嘅心情景象。唔知你嘅係点嘅呢？

以上嘅景象，似乎反映着，我嘅人生冇乜意义。每日返工，放工，放假。

我捻我现时唯一最想得到而又可以努力去得到嘅就只有金钱。金钱对我嚟讲係唔係真係咁重要。其实，并唔係。

有时我捻，我一直努力去追求嘅其实并唔係金钱，反而係一个大起大落嘅人生。

几日前嘅一个深夜，睡梦到一半，忽然心口麻痹，自己猛然挣扎，终于乍醒。醒来嘅一刻，胸口处有种痹痹嘅感觉，心里却有种害怕嘅感觉。

如果于果一刹那，我挣扎唔起嚟，我会唔会就咁玩完？如果我就咁玩完，我心里面唔舍得嘅人实在有好多。我嘅爸爸，妈妈，细佬，我爱嘅女孩，兄弟们，好朋友，仲有好多好多...

由呢一日开始，我好怕忽然离开人世，我好怕忽然间无晒所有嘢嘅感觉，我也好怕我即使到我离去嘅果一刻，我都係一个人。我真係好害怕... 我更怕我嘅家人朋友为我而唔开心。

同时，我也唔甘心。我未有车，未有楼，未有老婆，未有子女，未有成功...

为此，我立志要努力争取每一样我想要得到嘅嘢。我要改去一切嘅坏习惯，要积极珍惜每一段关系，每一分每一秒，我要改变现在如此闷嘅生活！

为此，即使我人生係短暂，我人生也冇憾。

突然而来的意外

今日我冇偷懒！只係我架本地制造，终于喺沉日一轮长途疲累攻击之下，今日震得好犀利。

入佐D牙，就震；踩油时更是狂震。揸车到半路，自己也好担心之后会死火挞唔着。所以，就CALL老细请假去整车。

明显地FEEL到老细唔爽啦！不过冇计啦，受人二分四。唉...

奈何，我架日本制造要到四月先有货。还以为架本地制造至少可以挨到四月嘅，点知，就讲就唔掂了。

而家仲要洗钱执佢手尾，真係大伤元气。睇嚟好快户口又跌返三位数了，未到过年就已经破产了。

凡事睇自己

当我每次停低嘅时候，个世界其实係转紧嘅，所以，我并冇停到。

当我每次走向前嘅时候，个世界都係转紧嘅，所以，我并冇向前走到。

古语成日都有云，要赢人就先要赢自己。

如果我并唔在意输赢，呢句话係唔係不能用喺我身上？

其实，我做人好简单。我只要开心，就够了。

然而，要真正开心，其实好难。除非，我伤心佐一排，然后突然开心。因为，一个自出生以嚟就好开心嘅人，跟本就唔知道自己呢种感觉就係开心。

道理就等于一个长期被关心嘅人，根本就唔知道果个关心紧自己嘅人喺到关心自己。

好似好复杂？

其实，终究也係自己嘅问题。

讲白佐，你认为点，就係点；你点捻，自己就有咩感觉。

係又PORT唔係又PORT

五日里面，被人投诉佐两次！两次都係啲湿碎事！啲上佐年纪嘅女人究竟点啊？《我有权投》啊？

你公司被我AUDIT，被我问嘢就预佐噶啦！问多你两句就嚟PORT我！？咩道理啊！乜你又以为我好想问你啊！如果你盘数做靓啲，我就唔使咁多嘢问啦！真係乜乜乜XX乜乜XXX!

新人难道真係好虾啲咩？（蠢问题）。定係我份人好好虾？（仲蠢）。

哎... 点解啲猪头骨都係我啃晒噶？

做嘢做成咁，睇嚟我都係做唔长噶啦！

而家我忍得，迟下我就难保了。

奉劝你地所谓嘅女人！我唔性别歧视！只不过大家都係出嚟做嘢，你俾面我时我俾面你！唔好係又PORT唔係又PORT！

低头

经过一轮嘅试车之后，发觉SWIFT也都真係细得可怜。相信，对于一个短期内唔会换车，考虑到二手价嘅我嚟讲，终于放弃佐我想佐好耐嘅车。无错，人，尤其是好似我咁，无权无势无钱嘅人，要向现实低头。

低头一捻，价格最为接近，也符合我嘅需求嘅，只有VIOS。我虽然好唔钟意好多人有嘅嘢，但係理智成熟的捻，于呢个年头，对于一个刚刚出嚟搵食无几耐嘅我嚟讲，能够拥有一部VIOS，其实已经係唔错了。

捻又再捻，捻又再捻，不断地捻，一轮之后，就係你了。TOYOTA VIOS E，落定心水，下个礼拜返去落订！

SUZUKI SWIFT

越嚟越接近啦... 一步一步的接近了...

我人生里，属于我嘅第一部车，就快出现了...

此刻的我，带点矛盾地，期待着，渴望着。

考虑佐好多个月之后，我仲係决定要SUZUKI SWIFT。

无可否认，对于我嚟讲，佢只有一个缺点--就係SIZE较细。

当然，我并无在意佢嘅大细。确实，佢唔知有咩吸引力，不断地吸引着我。

事实上，我买嘢好奇怪嘅。大多数人钟意嘅嘢，我唔要。我要特别且无乜人有嘅嘢。呢个亦都係我选择SWIFT弃VIOS嘅原因。

好啦！一齐嚟倒数吧！实在急不及待佢马上就属于我了。

城市病态

忽然间，变得好感性。

身边好友都开始恋爱了，有啲仲结埋婚添。

唔知係咪单身得太耐呢？总渴望着身边有个自己喜欢，也喜欢自己嘅人。

咁... 係咪因为寂寞啊？

事实上，刚刚先写完一首歌话单身都可以好潇洒。

咁... 我係咪又自相矛盾，自我欺骗呢？（其实自我欺骗都係我其中一首歌嚟）

无计啦... 一日总有入夜嘅时候，而入夜嘅时候往往就係心灵最脆弱嘅时候。

对于唔知算唔算係刚刚失恋嘅我，实在喺某些时候也想要喊，至少可以让我发泄下嘛... 然而，其实原来，喊係好艰难嘅。

无计啦... 喊唔出咪唯有笑咯... 睇套星爷嘅电影，让自己笑返够本...

听落好似好凄凉哦？

无计啦... 或许呢个就係作为城市单身人嘅一种病态了...

而我係城市里面一个微不足道嘅普通人，所以，我有呢种病态...