我哭了

还记得沉日临睡前睇佐第一集既《唐心风暴第二代之家好月圆》， 真係几好睇下。 我觉得佢绝对唔会下于第一代。

最搞笑既係， 我竟然梦到我自己进入佐套戏。 依稀记得梦里见到荷妈， 佢好惨。 我见到佢锦被人抛弃， 被人抢仔女。 梦里既我好难受， 一路哭， 好大声锦哭。
之前我都有试过如此。 当时係受《新不了情》既影响既。 当其实剧情发展至阿敏癌症复发， 就来要死了。 我于梦里见到阿敏挣扎个样， 我好难受， 就哭了。

唔知係迷平时太压抑自己既情绪， 所以响梦到哭了。 我想我係真係有哭过， 因为我醒来时， 眼同枕头係湿既。

不过讲真， 呢两套戏真係几感动既。 每睇到感动既时候我都会眼湿湿既。 哈哈。。。 大男人也会如此。 真係劲搞笑。。。

开心面对一切， 人就开心啦！

孤单一人面对着电脑荧幕。 今日好似睇开佐D。 觉得佢好似係有男朋友既， 如果係锦我放手就有道理了。 虽然唔係好开心， 但係总算有个决定， 知道下一步应该点做。原本充满乌云既天空， 忽然好似见到曙光了。。。

今日好废锦， 想佐个讲佐给自己听自己都会笑既笑话。
“今晚我屋企无人， 所以我打算先帮自己搽盐， 然后整热个鍋， 当个鍋热佐， 我仲会倒适当既油落个鍋道。 好啦!!时机成熟， 可以开始煎自己啦。 好， 上菜。 煎人肉!! 今晚宵夜我打算食自己。”
哈哈哈。。。 我一路想呢个笑话我就一路笑， 人地唔知仲以为我傻佐添。

其实做人就应该时时都保持开心既状态既。 好啦! 由今日开始， 我会尽力让自己活于开心既状态中， 决定做个开心人。。。 哈哈!!!

渴望淡化

王菀之既歌， 总係带着一种灰暗既感觉， 听者既我亦是如此觉得。
越听心就越灰， 人就越觉得无奈； 总为自己对爱既一无是处而感到无奈。
我而加就真係如佢既一首歌《小心易碎》既其中一句歌词所言-- 我无助地抱膝等救。。。

好恼自己唔知点解只係对佢有感觉， 对其他人唔可以吗？
其实我同佢根本就係两个世界既人， 一齐时基本上就无乜野倾， 大家既兴趣又唔同， 就连大家喜欢既幽默都有别。 我讲既笑话佢唔识笑， 而佢讲既笑话我亦唔觉得好笑。 自己都清楚， 我同佢既关系可能係同学， 极其量为朋友。 何其讽刺， 喜欢如此的人， 我真係解释唔到点解呢。。。

自己亦明白我地无机会成为恋人既， 点睇佢都唔会喜欢一个好似我锦既人。 虽然我也曾试过去争取， 但如今既我已无乜奢望了， 只係希望感觉能够慢慢地淡化。
希望下一个POST会係开心而唔係无奈既。

喜欢一个人好累

何等心情？？ 无从猜透。 每日二十四个小时里， 我都仲会有一个时候係有种无法解释既心情。 呢种心情无疑有点难受。 越是难受我就越想释放佢出来。。。 讲就易咯。

同你讲啦。 我沉日赢佐云顶九十蚊啊。 人生既第二次赢云顶。 同时亦係我第一次赢得如此轻松。 有人话“情场失意就赌场得意”。

今日都唔知係第几日了。 每日都想佢几次， 有时真係令我觉得好累。
真係好想知道佢前排发生咩事， 点解会话心痛？？？ 与朋友相处得唔开心？？ 抑或失恋？
唔知点解我可以猜到好多人既想法， 唯独是佢， 真係猜唔到。。。
佢可以有时同我讲好多野， 但係有时又唔采我； 有时可以对我不拘小节， 但係有时又对我好避忌。 其实大家都係朋友， 点解要忽冷忽热呢？ 难道佢察觉到我对佢有唔同？

每当我感到如此， 我都会开始控制自己尽量唔好表现得对佢太好。 但係佢总会响呢个时候对我忽热。。。点教我唔胡思乱想先得咖。

其实大大话话我都尝试过好多次去停止对佢既感觉， 可惜每次都失败。 每次总会不期然既想起佢。 睇戏时， 写歌时， 临入睡前。。。

泳儿唱得对既， 喜欢一个人真係好累。 真既。。。