城市病态

忽然间，变得好感性。

身边好友都开始恋爱了，有啲仲结埋婚添。

唔知係咪单身得太耐呢？总渴望着身边有个自己喜欢，也喜欢自己嘅人。

咁... 係咪因为寂寞啊？

事实上，刚刚先写完一首歌话单身都可以好潇洒。

咁... 我係咪又自相矛盾，自我欺骗呢？（其实自我欺骗都係我其中一首歌嚟）

无计啦... 一日总有入夜嘅时候，而入夜嘅时候往往就係心灵最脆弱嘅时候。

对于唔知算唔算係刚刚失恋嘅我，实在喺某些时候也想要喊，至少可以让我发泄下嘛... 然而，其实原来，喊係好艰难嘅。

无计啦... 喊唔出咪唯有笑咯... 睇套星爷嘅电影，让自己笑返够本...

听落好似好凄凉哦？

无计啦... 或许呢个就係作为城市单身人嘅一种病态了...

而我係城市里面一个微不足道嘅普通人，所以，我有呢种病态...