现状

你追求紧啲乜嘢？我唔知。因为你唔同我讲，我根本就唔会知。

而我追求紧啲乜嘢？如今，我好似麻木地追求紧更多嘅金钱。不断去发掘更多可以令我赚更多钱嘅方法。我有着一份稳定嘅收入，然而，我觉得唔够，我寻找着买卖嘅机会，秘捞帮人做数嘅机会。然而，当我得到金钱之后，得到我物质需求之后，我发觉，我其实并冇预期般开心。

我渐渐感觉到我行紧我老细嘅路。佢虽然搵好多钱，但係我觉得佢并冇佢预期般嘅开心。究竟係点解？难道又係都市人嘅病态？

面前困惑的自己，要如何摆脱眼前嘅困境呢？究竟我要如何创造一个无憾嘅人生呢？

坦白讲，我并不咁于现状。我有好大嘅野心，但係却未有方法去实现我嘅野心。