曾经有个人问我，点解时隔咁多年了，你都仲唔搵返个女朋友拍拍拖嘅？
亦都有个人，每次见面时都会问我，喂，有女朋友未，睇对了就去马啦！
哩啲问题令我觉得，无女朋友好似好唔应该，好错。仿佛喺佢地嘅眼中，你无拖拍就一定有问题。
面对哩一类人，我心里有一个答案係要来应付佢地嘅。相信好多人，都无法接受一个直接否定自己嘅答案。所以，作为一个唔想得罪任何人嘅我，就唯有交出一个自认幽默却又不失大体嘅答案。
首先，我要踩低自己：无啦！我唔够靓仔嘛，人又无乜特别，所以咪无拖拍咯。
跟住，佢地就会答 ：点解咁讲呢？你人都唔错啦!何必对自己咁无信心？你钟意嘅就去啦！
接落来，我会话 ：有好多野，唔係话你想点～就点嘅。
到哩个时候，只有两个结局，一就係佢停止讲野，二就係认同我讲嘅野。
对于哩个回应方式，我极为满意，都用佐好多次了。
其实，讲真，唔係我追唔到女仔，都唔係我肯去追，怕瘀，怕输等等负面野。而係，如果要随随便便见一个爱一个追一个，我实在做唔到。事实上，哩几年我身边都出现做几次嘅机会。但我无要。因为我觉得，拍拖係认真嘅事，如果只係为做解闷而拍拖，我做唔到。
我觉得拍拖係要搵真正钟意嘅先得，求其搵个我做唔到。
得罪讲句，见一个识一个追一个同狗有咩分别呢？我就係睇唔惯换画好快，拍紧拖又话钟意第二个果类人，吹咩？如果係咁就不如唔好开始好过。
我做人金句：要唔挑剔，不过要有要求。
所以，如果你係曾经问过我哩个问题嘅人，而家你睇佐编野后，请唔好再问我哩个问题。
