真係忍无可忍

点解要睇小我份工，点解要睇小我？

你又凭乜嘢睇小我？

你知道我几多嘢？当你係FRIEND同你讲，你就係咁踩係咁踩，越踩越过份！

同你讲！！份工係点係我嘅事，唔到你嚟批评！

我嘅人係点，你更加唔可以多多意见！！

讲真，我一路当你係朋友我就係咁忍！！

忍到呢一分呢一秒我真係忍无可忍！！

越大锅，越快乐！

有人问：点解我写嚟写去都係啲唔开心嘅事嘅？难道，我真係生活得好唔开心？

咁又唔係嘅... 我澄清下... 皆因通常我都会喺唔开心嘅时候，先会去写BLOG嗻。所以，呢个BLOG係一个充满悲情嘅BLOG...

大佬，係咁嘎啦！好出奇啊！？

我真係好中意呢句话... 就係黄子华先生喺《越大锅，越快乐》里面嘅《係啦定律》同埋《好啊定律》... 喳住呢两句话，真係可以横行天下？

当中，佢也点醒佐我某些道理。我最为钟意嘅就係，佢把自己的心魔形容自己嘅二五仔。其实好多事衰佐都係因为自己嘅二五仔。自己嘅二五仔出卖佐自己。我真係认同！今朝早，个二五仔就出卖佐我！哈哈...

“偷懒係唔会发达嘅！”呢句係一句黑色幽默嘅说话。慢慢参透啦！深呢！？

全新出发

总算有了一个结果，终于也都考虑清楚。

虽然未必是好結果，但嘗試一下也不錯。

暫定為，二零零九年十二月三十一日夜晚十二點零分一秒開始，便踏入我人生里全新的轉點。

又那一秒開始，有個全新的工作態度。

又那一秒開始，忘記我有過個愛情史。

希望二零壹零年，有個全新的景象。又現在算起，我還有十二日想你的時間。

落寞的背影

何等心情？难以言语...

夹带着丝毫懒散，半点忧郁地，再次逃避去选择。

无可否认，我真係好怕选择。

作为一个年轻人，我觉得我应该要有冲劲，同埋对未来充满美好嘅憧憬。

点解，我身上无嘅？咁係咪表示我係一个无用嘅人啊？

又再一次，我又再一次停喺道，唔知自己想点。

又再一次，再一次显出落寞的背影。

期待

一眨眼，回头一看，原来大学已经读完。以前我经常讲，大学生涯嘅结束，就係痛苦生活嘅开始。其实，出来做嘢都有一段日子了。苦，其实未算苦；然而乐，也不见得有几快乐。算係普普通通啦。

话咁快，发觉自己已经进入另一阶段了。已经到佐一个自己去考虑买实业嘅时候。暂时计划紧明年过年之后会买架新车，暂时目标锁定为SUZUKI SWIFT。我要蓝色果架！！哈哈... 不过，小弟有个担忧，因为买车之后，就唔可以随随便便话唔捞就唔捞了。

事业与财政问题暂且稳定。然而谈及爱情的话，都係咁啦。纵使喜欢我的人我不喜欢，我喜欢的人却不喜欢我；我依然希望喜欢我的与我喜欢的都同样过得快快乐乐。哪怕给予佢地快乐嘅人唔係我。

已经同班兄弟约定嘎啦。一年半载，或者两三年之后，我地经验与财政嘅弹药一储够，就会出来搞啲小生意。每次都讲到，肌肉佬负责IT，大番薯负责ADMIN，讲古佬负责MARKETING，我负责FINANCE；我都不禁兴奋地期待呢一日嘅降临。

希望能够将梦想变为现实。呢个也成为佐我如今挨世界嘅动力！

万大事有我

坐 什么什么 万大事都会搞妥

坐 地都震过 日子亦需好好过

你 就放心依靠我

其实我讲真都有怯懦

还是要假装英勇的一个

我不懂怎去挡战祸

我只懂医你的肚饿

我只懂担凳随时让你要坐俾你坐

我只懂给按摩赞助

难关几多个怎么过

无需讲多 结果怎么 你听清楚

万大事有我！！

我 做到什么 扮道具俾你揽我

坐 义工有个 夜晚要倾偈搵我

我 办法得一两个

床上有水晶灯放两座

神乱拜帮不到你都不错

全场做后备会有我
难题十万样请交给我

天！创了祸 天！怎协助

人人传核电站会爆破

明日到火星去逃难我还是会讲

搵我！！

我不懂怎去搞战祸

我只懂医你的肚饿

我只懂担凳随时让你要坐俾你坐

我不懂急救真折堕

明知刀枪我挡不过

换灯胆坐 柜桶开锁 只蚊捉佐

万大事有我！！

唔开心

又係听陈绮贞嘅《九份的咖啡点》嘅一刻。每次我唔开心，我都会听呢首歌。

记得第一次失恋嘅时候，我喊着喊着，手上拿住佢嘅精选大碟，就放落CD机道播。第一首歌就係《九份的咖啡店》了。旋律清幽，只有吉他伴奏，一种好宁静嘅感觉。可惜，日子渐远，我已经无法记起当时听呢首歌时嘅感觉了。

可能係我无意中已经当呢首歌为我嘅疗伤歌曲了，所以，每次有咩唔开心都特别想听。听完之后，虽然唔会即刻开心返，但至少会让心情放松少许，舒服返啲。

无可否认，我呢一期过得真係真係好唔开心。我讲唔出究竟係乜嘢原因，完全豪无头绪。只知道，我睇喜剧笑唔出，听《软硬半昼》我都唔识笑。我尝试好多方法去让自己开心返，然而都係徒然无功。何以如此？

或许... 我已经失去方向... 人生嘅方向。

我需要

今日嘅心情，极度嘅低落。

我不断问我自己，究竟係唔係我自己本身嘅资质问题。我真係对自己无晒信心。其实，盲嘅都应该睇得出我无乜料到啦，但係点解个老细硬係觉得我好劲？我唔钟意佢觉得我好劲，因为要付出嘅代价係我要喺未开窍嘅情况之下去做一啲需要开窍嘅嘢。唉...

如果可以，我希望有个人带领着我行。至少，也应该俾我一啲贴士。至少，也应该有个人来支持下我，为我打打气。然而，就连我自己都喺道叫自己放弃。点解？心态问题？

无错！我EQ真係好低... 好低... 根本其实，如果我从第二个人嘅角度去睇自己，都唔算係咩问题。係我自己差，自己喳嗻。究竟有无人话我知，究竟我要如何克服面前嘅困难？期限就到了，帮下我好无？

究竟... 何去何从？

平衡点

一早起身，感觉喉咙有轻微嘅唔舒服，头有轻微嘅痛，加上懒根嘅推动；今日，我决定同老细讲，我要MC。可能人需要平衡啦！加上我係一个懒人。由上个拜三挨到沉日，未曾休息过。除佐前日早放工之外，每日都只係做做做，係咁做也係咁赶。虽然感觉几唔错，不过今日我选择佐懦弱地暂且逃避，放下手头上嘅一切工作，让自己一下子休息三日。

撇开工作唔讲。最近有位朋友告诉我，佢嘅朋友刚刚过佐身。虽然我并唔认识离去嘅朋友，但无言地係一个惊讶嘅消息来。当中究竟係点嘅一回事，我也不便祥问。只感觉到，人生何其无奈，世事变幻无常。我感觉到我呢位朋友嘅痛楚；睇佐佢嘅日记之后，我更加心酸。

然而，日记里面讲到，一个人嘅离世，係会为在世嘅人带来痛苦。我彼为认同呢句话。其中一个道理就係：要让关心你嘅人唔伤心，就要让自己活得开心。不过，凡事也讲求平衡点，如此嘅比如，也最为恰当。适量嘅盐分係可以让一道宋更好食，但係过多或过少，就却会造成破坏。

在此，希望我嘅朋友能够挨过痛苦嘅日子，也祝福我嘅呢位朋友，能够快快地重新振作起来，寻找到生活当中嘅平衡点。

八国联军

今日係尾声了。下个拜一开始，我又敬又畏嘅老细就返来了。所以，今日可算係无皇管的最后一日。

话说我老细飞佐去北京。做乜？我捻应该係想去分猪肉挂。中国呢快肥猪肉，人人都想吃。就好似，当年八国联军一样，八国都侯住分中国呢快肥猪肉。结果，虽然係被佢地分佐少少，不过影响唔大。又再捻一捻，其实关于八国联军呢个历史，係有另一段古嘅。

话说当时嘅中东国家如伊拉克等等都係好强大嘅国家，但係佢地无参加联军。原因并唔係因为佢地唔识英文而无法沟通。讲白佐答案其实好简单！原因都係介乎于当时中东国家领袖本身嘅执着。佢地认为，作为回教国，係唔可以食猪肉嘅。所以，即使中国呢块肥猪肉几好食都好，佢地都坚持唔去分。

纯粹做工做得好无聊，就顺遂捻佐个烂GAG，就写佐出来了。并无宗教歧视成份！唔好告我！

MSN

唔知大家有无发觉，自己嘅MSN联络版面上，或许有好多人，但係其实係有好多人係平时都唔多同自己联络嘅。我本身就係一个例子了。

平时嘅MSN，对我来讲只係一个电邮通知嘅工具，又或者係一个通知人我在线上，有事请搵我嘅工具。所以，大部分时间，我都係开住，然后唔多理佢嘅。

今日较为特别，MSN成为佐我解闷嘅工具。前几十分钟之前，刚好遇到一个只见过一两次面嘅朋友登入，仲同佢倾佐大概四十分钟嘅计添。基本上，我只係知道的佢嘅英文名，其它细节我就唔多清楚了。发觉原来，MSN係可以让两个几乎完全唔识嘅人倾到计嘅。

可能如果我只有佢嘅电话号码，事情就另当别论了。因为，你唔会无端端SMS或打电话俾人，问人做紧乜噶嘛。就算真係有，人家敷衍你几句就唔彩你了。

所以，我觉得，MSN係有一定嘅优势同埋带来方便嘅。

缘分？

前几日，突然间收到一个朋友嘅信息。信息内容里面，佢同我讲佢对我有好感。呢一则信息，确实令我稍有震惊。不过，需有惊，但无险。

其实震惊嘅原因好简单。我一路都当我呢位朋友係我嘅好朋友。周不时仲会笑下佢，闹下佢咁。所以，我完全都估唔到原来佢对我係咁。加上，我咁嘅样都有人喜欢，佢确实好BAD TASTE。

不过，无所谓啦。我也打返个电话俾佢，大家还是好朋友。基本上，以女性朋友来讲，佢同我可以算係最好嘅，好到我地有乜都讲得。所以，即使某些时候会产生好感，一啲都唔出奇。所以，呢啲突然杀出来嘅嘢係破坏唔到我地嘅关系嘅。

我... 依然要一如往常，感概中带点悲观咁叹一句：何以喜欢我的人，我不喜欢；我喜欢的人，却不喜欢我？缘分究竟係唔係真係存在？如果存在的话，点解唔出现喺我面前？可能真係存在嘅，问题係，呢个缘分唔属于我嗻。

或许，泳儿提醒佐我。佢唱过：未见到一位，认识到我的可爱；是我的悲哀？还是福来？幸免于恋爱附带之灾。

可能一路以来，上天也眷顾着我，唔俾我恋爱，係想保护我能幸免于或再受到初恋时受到嘅灾都唔定。既然开始时我选择相信缘分，坚持到呢一刻，我仍然相信。

一个无皇管嘅国度

时间为下午五点三十六分，地点为我公司。无错，今日好得闲。得闲到可以喺道写BLOG，你话得唔得闲？

其实，得闲係其次。换着平时嘅我，係一个贱民，再得闲，再无野做，都要扮有野做！因为老细唔钟意见到我无野做！

但係今日？唔需要！因为今日嘅我係一个乱臣贼子。乱臣贼子最喜欢嘅就係一个无皇管嘅国度！而今日，我嘅办公室，错！係我老细嘅办公室，就正係一个无皇管嘅国度！亦都係我呢啲奸臣作乱嘅时候！

我提议要喺《奸臣纪念馆》入面加上我嘅名！哈哈哈哈！！

雨后阳光

雨后阳光，何等感觉？你懂吗？相信无乜特别原因之下，你只会觉得... 好热。

今日小弟由家乡揸车返出去城市，沿路微微细雨。鉴于小弟架车系本地制造，就维有放慢速度啦。心里，就不停咁念，“大佬，快啲停雨啦”咁。

我有个错觉，觉得天係听到小弟讲野嘅。于某段路之后，雨后阳光真係出现！此际嘅感觉，是多么的好。发觉，原来当一件事係可以如你所愿嘅时候，係几好嘅。

此情此景，让我捻到两个字--朋友。

经过佐今日，我会把朋友形容会雨后阳光。就拿今日件事来讲，朋友就似係雨后阳光一样，当你平时唔需要佢嘅时候，你会唔多明白佢嘅重要性。但当你需要佢嘅时候，你就会发觉佢是多么的重要。同样地，当你极需要哩条友嘅出现时，佢就出现喺你面前，那是多么的美好，多么的感动。

鉴于此，我认为，无论任何情况，人类都係犯贱嘅。重要性嘅野，通常都係需要时先发觉佢重要。所以平时嘅雨后阳光是多么的热，又或者刻意打断你瞓教嘅心情都好，你都唔好去讨厌佢，因为，某些时候，你係需要佢嘅。

雨后阳光让我领会到呢个道理。然而呢个道理係好早就有了。所以，睇完之后，你会发觉原来我好迟钝。讲句粗口，就走了。。。

灰过后

又係一个多愁善感嘅一日。今日一早起身，个天就已经係灰灰嘅。大雨前夕嘅天空，原来可以咁灰嘅。今日现实让我回到现实，现实问我：“你究竟是什么东西？”。遗憾地，我答唔出。我捻，我什么也不是。

人嘅情绪係好奇怪嘅，明明只係普通嘅一日，会因为天气，而有所影响。好似恍然大悟，发觉自己是如此地不值一提。安慰人嘅说话经常都係咁讲嘅，每个人都会有佢存在嘅价值。我问自己，真係有吗？我身上，好似搵唔到。我可以讲好多野来去掩饰自己，去欺骗人地，但係我却不能欺骗自己。

终于此刻，我开始觉得自己，真係好似行错路。但係路已经行到一半了，不能退也只能进。我会有咩作为？我捻我应该只配拥有平凡嘅人生。我成世人就係咁蒙下蒙下，从来都唔知自己要乜，今日嘅局面就只能怪自己。

我捻，与其痛苦嘅怪责自己，倒不如努力让自己适应呢条难行嘅路，或许会更好。我依然相信，只要我手上仲有筹码，我就仲有机会会赢。

Bossa.N'.Carpenters

唔知大家有无听过BOSSA NOVA呢？对于对音乐唔係太了解嘅人，可能唔知佢嘅意思。但係相信稍为对音乐有少许认识嘅人都会知道BOSSA NOVA。同POP，ROCK，HIP HOP或R&B一样，BOSSA NOVA係一种曲风。一种让人好舒服嘅曲风。对我来讲，佢也很调情。

其实，BOSSA NOVA源自于拉丁，听起来轻松柔和、慵懒甜美、浪漫又带点性感。但係，佢与传统嘅南美及拉丁音乐有唔同，就係BOSSA NOVA唔似森巴或伦巴（Rumba）那样节奏强烈，除佐拥有南美音乐嘅热情外，仲带有一份慵懒和轻松的感觉。係啦！我就喜欢呢种懒懒嘅感觉。

现时嘅我，听紧一张全BOSSA NOVA风格嘅专辑。专辑所收录嘅歌係由一位名叫ISSABELLA ORTEGA嘅女星翻唱CARPENTERS嘅著名歌曲；其中包括有耳熟能详嘅《YESTERDAY ONCE MORE》同埋《WE‘VE ONLY JUST BEGUN》等等。一首首经典嘅名曲，配上BOSSA NOVA嘅曲风确实另有一番风味。当我第一次听咁样嘅《YESTERDAY ONCE MORE》时，我感觉自己仿似一个人独自走在酒吧街，享受紧一个人寂寞嘅感觉，好舒服也很写意。

如果你也想尝试下，不妨听听呢张专辑。可能，你会问，点解专辑封面会似係AV封套一样？讲真，我也不能理解。哈哈！可能，呢意味着当你听完呢张专辑后，你会有如睇完AV一样，既兴奋也回味无穷。

纯属个人理解。专辑名为《Bossa.N'.Carpenters》。

王若琳

我迷上佐一个女孩。ERM... 或者应该讲，迷上佐一个女孩嘅声音。呢个女孩係一个刚出道无几耐嘅乐坛新人。

佢有着一把独特嘅声音。当佢唱着怀旧嘅爵士歌曲时，佢就更显独特。无可否认，佢好适合唱呢类型嘅歌。

佢有着一个把声音懒懒地，沙沙地，唱起慢歌嘅时候总是能让人投入；唱情歌嘅时候总能唱出浪漫；唱快歌嘅时候总能表达洒脱，潇洒而不过份。

有首歌，《we've only just begun》，係一首佢翻唱作品，原唱为CARPENTERS,但我觉得王若琳唱得更有感觉，感觉好浪漫。每次听首歌嘅时候，特别係夜晚，我都会幻想房里关住灯，播住呢首歌，与爱人跳住华尔兹，那是多么的浪漫，多么的享受嘅一件事。

如果我也能够有此浪漫嘅经历，便是今生无悔。

食乜？

现时嘅我，究竟是何等心情？好似有点无奈，又好似有点矛盾。一个人嘅时候，总係好难为自己做选择，特别係选择食物。

晚餐时间又到了，又要烦恼自己该食咩了。有捻过想去食好野，不过一个人，捻下就算了。不如食快餐啦；但係沉日先食来，成日食唔係好事。咁就不如唔好咁麻烦，自己煮个即食面就算了；但係，我唔想食即食面。

每日就係咁了，由早餐烦到午餐烦到晚餐。点解我会有选择困难呢？其实我自己都唔知。就算同人出街EAT，我都係俾人话事嘅。可能我天生就有刘青云所讲嘅选择恐惧症，先天性嘅。

好多人都讲过，甚至我自己都察觉到；我做决定嘅时候，的确係会犹豫不决嘅。就连医肚咁小嘅事都要捻，要考虑好耐，要等到自己饿到无办法嘅时候了，先至求求其其去食。小事都已经係咁了，更何况係大事！所以，我最怕就係话事！

三首歌嘅时间过佐，但係仲未捻到要食乜。如果此际有人帮我揸主意就好了。

写落去

其实我也喜爱听自己嘅歌。自己嘅歌就好似係自己嘅子女一样，无论佢受唔受欢迎，人地觉得佢好唔好听，我都一样觉得佢地好好听。道理就好似父亲爱自己嘅子女一样，无论好定坏，就係爱。

听每一首歌，自己就会想起自己当时写呢首歌时嘅情景。係早上，下午或晚上；晴天定係雨天。心情係开心，无奈抑或伤感。我相信，有听我嘅歌嘅朋友绝大部份都会觉得，我写歌嘅心情应该係悲嘅。大概係挂。我自己都唔清楚。

可能同上一段恋情有关啦。每当我开始创作，脑海里嘅灵感都係悲情嘅。开始时，我觉得自己係写紧自己。但係久而久之，我发觉，写哩一类型嘅歌可能已经成为我嘅习惯了。虽然我不断尝试去改变，但係要改变一个跟佐自己好耐嘅习惯，係好难嘅。

我唔会觉得呢个係一个坏习惯，至少当我自己听返自己嘅歌时，果种感觉，係依然存在嘅。加上，我第一首放上网嘅《守护神》有六百几嘅点击率，令我觉得，其实我嘅习惯係会让我得到肯定嘅。当然，世界上係无一百巴仙完美嘅。就算係自己嘅朋友，都会觉得其实我係写紧垃圾。

如果有人听佐觉得係垃圾，我唔会觉得係我嘅问题。因为哩啲始终係个人主观嘅喜好，只要唔係所有人认为係垃圾，咁即係话，有人当佢係一首歌，佢仲係一首歌。

所以，只要仲有一个人係支持我嘅，我都会坚持地写落去。

热血废人

呢一期，正是我有生以来觉得自己最为无聊，最无贡献，虚度光阴嘅一期。无可否认，我真係好得闲。呢个係我最后一个学期，手上有一科要读同一份毕业论文要做。犹如上天往往有所安排，偏偏要喺呢个时候，我嘅最后一科安排喺拜六一日上课。大学最后一科，最后一个学期，做佐我三年以来未曾有过嘅上课时间。加上论文嘅劲高自由度，令我无办法唔觉得无野做。

人在外，做乜都缺乏冲劲。原先，觉得呢四个月里，应该可以搵份兼职。我就捻，想去教书。结果，搵唔到。搵到嘅唔係太远就要有经验。

茶实，我要多谢一个同伴。佢令我在无聊嘅日子里，减轻佐无聊。佢就係我最爱嘅NDSL。任天堂的确喺我嘅恩人。好在有佢，如果唔係我真係会闷爆。

不过，无论如何，我都会觉得喺未来呢四个月里面嘅我，会生活得似个废人。或许我会好友热血咁去令自己唔好太废。所以，或者热血废人哩个称号会适合我。

你越惊，就越要去克服！

好耐好耐！都无来哩道UPDATE过个BLOG了。我捻都有成个月。睇返自己嘅上一篇文章，又回忆起自己比赛输佐嘅情景。确实，无可否认当时真係好难面对，甚至好害怕去面对。但係郑中基话：越害怕嘅野，就越要去面对甚至克服。记得美女厨房第二季嘅片段里，係有哩一幕。确实好搞笑。

有睇过美女厨房嘅人都应该知道，係有三位搞笑嘅男主持兼评判嘅。而每一集，都会邀请两位男艺人上节目作为嘉宾评判。而果一集嘅两位嘉宾就係LAUGHING哥同埋孝哥。有追睇TVB嘅人都应该知啦！

话说，有位美少女厨神以低胸装出场让几位评判试食。首先就让LAUGHING哥同埋孝哥试啦！PS：所谓嘅试食係喂埋落口嘅。当其时嘅两位大哥唔多好意思仲表示唔敢望果位靓女添。而到郑中基试食嘅时候，佢就笑果两位大哥啦！佢话：两位大哥，我地越惊嘅野，我地就越要克服！讲住嘅同时，佢瞪大只眼望住个靓女嘅胸！係！就係呢一段，我笑佐好耐！之但係，佢讲嘅野又有道理啵！

所以，其实人唔係无能力去克服自己惊嘅野嘅，只係睇有无勇气去克服嗻。至少我係咁认为嘅！

拜拜

终于，我都鼓起勇气，带着满满嘅自信心参加佐今年嘅新秀。

结果原来，我嘅歌唱喺所谓嘅专业面前，係不值一提嘅。用佐接近十二个钟去等待三十秒嘅表演时间，到最后只得到一句拜拜。所谓嘅评判，就连评都唔想评，我点解被FAULT，我自己都唔知。究竟係我嘅歌唱真係有问题定係我哩类人已经有太多？又或者其实佢地根本就已经懒得去理我啦？

或许，哩个係一个好嘅结局。至少，我可以知道自己其实并唔属于幕前嘅。或者，以后可以向幕后发展。

应该点讲呢？我觉得因为平时嘅我都懒係以为自己唱歌好掂，所以而家受啲挫折係好嘅。其实，无论如何，我至少尝试过。如果以后再有人同我讲：“你应该去参加新秀”嘅时候，我可以同佢地讲：“唔好觉得我好劲，其实我就连第一关都过唔到嘅。”

总之，今次嘅比赛，我除佐失去宝贵嘅时间，少许嘅金钱之外，我并无其他大损失。虽然，我得唔到应有嘅经验，但係我得到佐珍贵嘅两个字，就係“拜拜”。

讲到

讲到音乐，应该係我人生里面出现率紧贴住食物同人类嘅活动。几乎在有意识嘅每一刻里，头脑都会有旋律飘动着，上课时，食野时，打机时，甚至行紧路都係。间唔中，心情唔错嘅时候仲会打拍子添。呢种种现象係咪即係显示着我对音乐有着浓厚嘅兴趣。又可唔可以话，佢已经占有佐我生活嘅大部分。

讲到音乐，我都要讲下听歌。我听歌好挑噶。唔係人人话好听嘅歌我都听。要係我觉得好听嘅我先听。仲有就係我唔太喜欢主流音乐，或者咁讲，我比较喜欢非主流音乐。众多歌手当中，我最为喜欢陈绮贞。我喜欢佢果种似柔还刚嘅感觉，我喜欢佢果种总係充满哲学嘅情歌。

讲到唱歌，我自信咁讲我可能唔会唱得好听，但係绝对唔会难听。至少我本身係咁认为嘅。唱歌应该係我嘅爱好了。有事无事，我都会唱歌，开心时唱开心嘅歌，唔开心时就唱悲歌；应景嘛。顺带一讲，我已经决定佐参加新秀了。赢与否其实唔重要，最紧要係，我参加过，我尝试过。

讲到写歌，可以讲係我表达自己嘅另外一个方式。于我大多数嘅作品里面，都係我个人嘅感受。如果有听过我歌嘅朋友，应该可以感觉到我係一个多愁善感嘅人。其实写歌对我来讲唔难，要写好一首歌先难。我咁讲，唔係想吋人，我绝对无哩嘅意思。就好似煮食对一个厨师来讲，係一啲都唔难嘅。当然，于现在嘅我来讲，顶多都只係兼职创作人，确实，我嘅歌係有人要嘅。

讲到哩道，都差唔多讲完了。希望我参赛顺利啦。我唔希望赢，只希望能够完全发挥本身嘅水准，尽一个全力。

喜帖街

年～又过年～年～咁就过佐了～

此刻的我又再打回原型了。唉～又係一个闷到爆嘅时期。无主题嘅野上一POST就讲过啦，唔讲了。



咁就不如讲下其他啦。今日反复，不断，连续地听同一首歌--谢安琪小姐嘅《喜帖街》。首歌係由两名大师打造嘅，ERIC KWOK作曲同编曲，黄伟文填词，再配合返谢小姐嘅独特声音，真係好听，难怪拿咁多奖啦！



通常要我深入去了解一首歌之前，首歌就一定要有吸引我嘅曲与旋律。所以首先讲下首曲啦！乍听之下，好易记（唔係食野果间《好易记》），係好容易记入脑咁解，亦都可以讲係朗朗上口。除此之外，我仲觉得首编曲都好野，尤其是前奏，有种中西合璧嘅感觉。



当然，一首好曲要配合一首好词先係真正好野。黄伟文係我除林夕之外，另一位我欣赏嘅填词人。首歌词真係好好野，成首歌嘅意境好出来。我睇来首歌有两个意思，一係讲金一位已婚嘅女人被丈夫抛弃；二係一位丈夫离世，剩下半绝望心态嘅妻子，充满着好多嘅问号。用喜帖街来衬托成个故事，真係好美。我个人较为喜欢以下哩段歌词--“阶砖不会拒绝磨蚀；窗花不可幽禁落霞；有感情就会一生一世吗？又再婉惜有用吗？”



明显听得出，谢小姐并无好特出嘅唱歌技巧，只有一把独特嘅声音。而哩一把声音就已经足够将首歌嘅味道带出来了。係，一个好嘅歌手就係会有一把独特嘅声音。当然，我讲嘅并唔係F4果啲走音声又或者佘诗曼嘅鸡仔声啦。



其实首歌出佐好耐噶啦。我而家先听真係有啲迟。哈哈。算啦，我都已经欣赏到了。

无主题

终于，又再接近农历嘅新年啦！确实，一年里面我个人觉得最开心同埋最有意义嘅一个大日子就係农历新年啦。不过，不久前，发觉原来最开心嘅原来并唔係年初一或者年初二，反而係年二十八或年二十九甚至除夕。原来当人有一颗期待嘅心情时係好开心嘅。

好啦!今日并唔想讲道理。

话说，每当接近过年，就接近我大学三个朋友嘅生日。所以，礼物当然就唔少得啦。亦都所以，我今日就同朋友去买朋友嘅生日礼物啦。轻松地，不犹豫地，好快就买完了。

买完之后，不自觉经过一间曾经帮衬过嘅动画店时，心里就不期然地痒得很难当。

然而，当一个人心痒难当时，就表示有欲望嘅出现啦。打个比如，当一个好靓有性感嘅女仔走过身边时，正常嘅男孩子通常都会有一股心痒难当嘅感觉，心里好想汲汲。ERM...似乎唔好听。就话好想望望。哈哈。

不过当然，我当时嘅欲望係好想卖野，通称为购物欲。

于是我就入去睇睇啦，跟住就不自觉，身不由己，心不由己地，买佐个FINAL FANTASY X ORIGINAL SOUNDTRACK。话说係入口野，所以要佐我成八十蚊。当然，买自己喜欢嘅野係唔会肉痛嘅。哈哈。

基本上，我讲完嘎啦。係唔係唔知我讲紧咩呢？

係啊！哩排讲野兴无主题，无重点。所以你就让我废下啦！

领悟

新学期又开始了。本来好想讲哩个係我嘅最后一个学期，但係而家好似有难度。因为我选佐嘅其中三科，无缘无故换时间了。所以，时间表就撞到砰砰声。为佐自己，沉日就去搵佢地教书嘅倾计啦，希望可以帮到啲。庆幸，有一位话会帮忙，尝试下换时间。都只係尝试，所以唔好太大希望。

其实，我已慢慢开始接受及领悟，其实好多野都唔需要太过执着，唔好话非要得到不可，唔好话目的非要达到不可，正所谓人算不如天算。努力係会有人睇到嘅。

好啦！讲到哩到，我又想威下，因为毕竟係我人生里面嘅第一次。前排讲到有间公司同我要DEMO，然后我就寄佐我嘅DEMO俾佢地啦！张DEMO碟里有三首歌，其中两首可以喺追随者的角落里听到；佢地就係《错过》同埋《一个人的悲伤》。

话说，其实我自己唔係好有信心间公司会帮我卖，因为要人帮手，自己啲野都要有人觉得有水准先得。但係往往事件总係出人意表嘅，意料之外，负责人竟然话我啲歌好野，大赞我一轮，仲话已经帮我SEND佐出去台湾卖。虽然只有五成机会会卖出，但其实我觉得都已经够了。能够到达哩个地步，卖唔卖出已经唔重要了，因为，至少我嘅创作已经受到佐肯定。

此件事里，令我明白到，或许当我面对任何事嘅时候都应该保持平常心嘅。如果係得到惊喜，果份惊喜係好大嘅；就算得到嘅係打击，至少都唔会太大。

係啦！以前都成日听，但係而家先领悟到嘛！就当我迟钝啦！哈哈。