喜欢一个人好累

何等心情？？ 无从猜透。 每日二十四个小时里， 我都仲会有一个时候係有种无法解释既心情。 呢种心情无疑有点难受。 越是难受我就越想释放佢出来。。。 讲就易咯。

同你讲啦。 我沉日赢佐云顶九十蚊啊。 人生既第二次赢云顶。 同时亦係我第一次赢得如此轻松。 有人话“情场失意就赌场得意”。

今日都唔知係第几日了。 每日都想佢几次， 有时真係令我觉得好累。
真係好想知道佢前排发生咩事， 点解会话心痛？？？ 与朋友相处得唔开心？？ 抑或失恋？
唔知点解我可以猜到好多人既想法， 唯独是佢， 真係猜唔到。。。
佢可以有时同我讲好多野， 但係有时又唔采我； 有时可以对我不拘小节， 但係有时又对我好避忌。 其实大家都係朋友， 点解要忽冷忽热呢？ 难道佢察觉到我对佢有唔同？

每当我感到如此， 我都会开始控制自己尽量唔好表现得对佢太好。 但係佢总会响呢个时候对我忽热。。。点教我唔胡思乱想先得咖。

其实大大话话我都尝试过好多次去停止对佢既感觉， 可惜每次都失败。 每次总会不期然既想起佢。 睇戏时， 写歌时， 临入睡前。。。

泳儿唱得对既， 喜欢一个人真係好累。 真既。。。