我实在好矛盾

总觉得有好多野想做，但係就永远都做唔到。或者唔可以讲做唔到，应该唔肯去做。

话说考试就越来越近啦，MIDTERM同ASSIGNMNET嘅成绩都唔係几好。照道理来讲，我係应该要开始温习嘅了。所以我有晒全盘计划啦，而且每晚都会捻点样去做，我听日应该要温习了。我应该点点点。但係，第二日嘅朝早，总係无法实行之前嘅计划。无论如何，就算对住部电脑无野做，我都唔会想去翻开本参考书嘅。我实在好矛盾。

再讲下，之前有唱片公司嘅人同我要DEMO。所以我应该係第一时间就去制作，甚至摆晒成副心机同所有嘅时间落去做嘅。我每晚甚至每朝，我都捻我啲歌嘅编曲。每当我可以完整地知道要点样编嘅时候，我都好开心。心捻第二日或者下一刻要将佢编出来。但係事与愿违，通常都係唔做。我实在好矛盾。

所以，有时我唔明哩个矛盾係有心无力啦定係毫无冲劲嘅问题。哩个可能係一个好深嘅问题。但係如果将一个咁深嘅问题去俾阿妈答嘅话，佢一定会俾一个好浅而且易明嘅答案。一个字---懒！好嘢！阿妈通常就係会俾啲一针见血嘅答案嘅人。虽然觉得难以接受，但係哩个可能真係事实，几难接受我都要接受。好！无错！不过，懒嘅人应该连捻都费时先係咖。但係我有捻啵。所以，我实在好矛盾。

周末无聊的电影欣赏会

一个人，无论生活有几精彩都好，佢都一定会有一个无聊嘅时候。喺呢个无聊嘅时候，通常啲人都做啲乜呢？

可能会去瞓觉，听歌，执屋，甚至有人会选择做功课。呢样，我做唔到，但係我会喺无聊嘅时候，选择睇电影。

点解选择电影而唔係电视剧？因为电影会让我消磨短短两个钟嘅时间，又会同我讲晒个故仔。

沉日星期六，今日星期日，两日我都无聊到爆，真係爆闷。所以我选择喺屋企睇电影。两日，计计下都睇佐四套电影。有《IRON MAN》,《NARNIA 2》, 《大四喜》同埋《提防小手》。

首先讲下《NARNIA2》。果然如我细佬所讲，真係唔好睇。至少我个人係真係觉得唔好睇。主要原因係因为套戏无乜高潮，同时亦无乜令人好奇想去知道嘅野。呢个就係大不如前一集嘅原因。既然唔好睇，都无乜好讲了。我又唔係影评人，只係普通嘅消费者，所以不宜置评。

不如讲下啲好睇咖啦！四套里面我最满意就係《IRON MAN》。真係好睇嘅。后悔当日无去戏院睇。首先吸引我嘅就係主角嘅性格啦！串得来又有型。不过係真係串得起。设计一副装甲，竟然飞得比架军机F16仲快；被导弹炸中，竟然连穿个洞都无！好野。第二就係动作场面够多，爆炸场面好逼真下。大制作果然非同凡响。

可惜套戏有唯一嘅缺点，就係套戏似乎无靓女。哈哈，当然，如果能够加入个靓女就最好啦。虽然无靓女，不过有靓车。就係AUDI LE MAN啦！呢架车我只係曾经喺NFS CARBON（电脑游戏）里面睇过。原来真车都好掂。

另外两套都係中文戏。《大四喜》，阿叻领衔，唔洗讲就係搞笑得来又废咖啦。其实我睇套戏，本来就无乜期望，完全当一部商业片咁睇。所谓嘅商业片就係无乜故事重点，睇完之后得啖笑嘅电影。

至于《提防小手》就係洪金宝嘅经典之作啦。女主角为叶德娴。武打场面就一定有啦，洪金宝波。当然唔少得嘅就係搞笑场面啦。还记得有一幕，我真係觉得好好笑，虽然我只係一个人睇，但係我都笑好耐下。果一幕嘅对拜係咁嘅：

话说洪金宝与师弟落去DISCO道玩，师弟就叫佐杯COCKTAIL。而洪金宝竟然叫罗宋汤！然后师弟就带住耻笑洪金宝嘅语气讲佐以下对白。

师弟 ：师兄，你唔係吓话？你落D叫罗宋汤来饮？

洪金宝带著唔多爽嘅语气讲：哦...唔係，我叫来睇嘅！正底B，叫罗宋汤就梗係爱来饮咖啦！痴线嘅！

就係呢一幕，我觉得好好笑。

果真係一个周末无聊电影欣赏会。

你话永远，咁到底有几远？

话说有对情侣，
女朋友 ：你爱我究竟有几深啊？
通常会答 ：深过大海，直到十八层地狱都未见底。
女朋友 ：哇！真係好深！我好开心！咁...你会唔会今日话爱我，听日就唔爱我啦？
通常会答 ：傻猪来噶，梗係唔会啦！我会爱你直到永远。
呢个时候，问题来了！
女朋友 ：你话永远，咁到底有几远啊？
呢个时候，空气一片寂静，眼睛互相对望，.........无言........ 因为答唔落去了。

呢个问题够难了卦，你话永远，咁到底有几远？你可能聪明咁答，“直到我死去嘅果一刻。”
咁～唔通你死佐之后就唔爱我啦？
其实，呢个问题，点答都係死嘅。咁究竟个问题係边度来嘅呢？
个问题係来自于一首歌，王菀之嘅新歌《永远几远》。
其实我个人觉得个名好有诗意，好靓。但係又令人有种无言嘅感觉。
不过总括来讲，情侣间问嘅问题通常就係无答案嘅。就好似一个经典问题，女朋友同阿妈跌落海，你救边个咁。答唔到嘅。

赖个天

好唔明，点解天气会变幻无常，仲得人惊过人类嘅面色啊！就因为呢个变幻，我病佐一个星期，睇佐三次医生，食佐成个礼拜药；就因为呢个病，我无去考MA2 嘅MIDTERM; 就因为无去考，要去问老师要求补考，结果老师就俾面色我睇了。

虽然睇人面色，不过我无怪佢，我反而我个天。

其实一路来，马来西亚嘅天气都係变幻无常咖啦。果啲感冒时期，年年都有，我都唔常中招。都只能怪自己时运低，病到七彩，都係运气嘅问题。

人类常常都係咁嘅，即係好似我咁，中招嘅时候梗係搵啲野来赖嘅；就从来唔会检讨自己先。就拿返我嘅流行性感冒来讲啦，其实如果我识得照顾自己多啲，饮多啲水，食少啲煎炸野，咁可能就避过一劫啦。

唉～而家个喉咙仲鬼死咁痛添。

再一次想你

今日又再次重拾经典，重新玩过一个电脑游戏。PC版嘅FINAL FANTASY VIII。呢个係一款角色扮演嘅游戏。九九年，我第一次玩呢个游戏，我就疯狂迷上佐佢。我迷上佐当年首屈一指嘅美丽画面，迷上佐创新嘅玩法，迷上美妙嘅配乐，更加迷上嘅就係佢果个动人嘅故事情节。

到而加，我依然是最喜爱果一节。就係当男女主角第一次碰上嘅时候。于舞会中，女主角强行拉佐刚认识嘅男主角出去舞池跳舞。一首华尔兹版嘅主题曲响起，男女主角开始浪漫舞步。另我觉得更加有感觉嘅就係当舞跳到一半时，场内突然变暗，透明嘅天花板外放出迷人嘅烟花。于呢一刻，从男主角嘅眼中得知，佢已经喜欢上佐女主角了。

还记得当年我只係读紧FORM 1。当时嘅我，甚至现在嘅我，都好盼望如此浪漫嘅情节会出现响我身上。或许我同男主角都有一个共同点，就係大家都好含蓄，特别当面对着自己喜欢嘅人嘅时候；不懂得如何表达，不知如何是好。也可能因为呢一点，所以我好喜欢呢个游戏。

而其实我一直嘅理想对象，我都好想会係如游戏里嘅女主角般嘅女仔。一个拥有半长不短嘅头发，眼睛不算太大，嘴巴唔会太细，身材也唔会太特出，整体睇来，就係一个平凡中带点不平凡个女仔。于现实生活中，可会有如此嘅人会出现？我都唔知。

基本上，我嘅梦中情人就会係呢一类型嘅。不过我觉得，可能我呢一世人都唔会搵到个咁完美嘅人呢。

一个人

唔够两日，破完佐《鬼泣4》。虽然唔係完美过关，但係都叫做将成个故事玩完。

时间过得好快，好快又话星期日，好快又话要返出去了。真係唔想返出去。出去乜都要係一个人。一个人喺房间里对住部电脑，一个人煮野食，一个人望著窗外嘅风景，一个人唱歌，一个人同自己讲我係一个人嘅。

虽然话一个人有自由，但同时亦都会有孤单嘅。要冲淡一个人嘅孤单，就唯有睇戏了，打机了，又或者MSN上用电脑与电脑对话；至少都算有人同我倾计。难道哩种就係城市人嘅生活？

有时心情唔好，想话稳个人倾诉下都好难。虽知有时就算勉强稳到个人，人地都未必会听你讲嘅。所以不如收住自己知道就好。难怪会有个俗语话“有苦自己知”啦。

讲来讲去，我成遍嘢都係无重点嘅，或者我只係想发下牢骚。讲真，我喺家里真係比外面好。至少我会有家人来关心我。出边就只有自己顾自己。对于哩一种生活，我觉得好难适应和习惯。

哩两年，我以为自己已经习惯佐一个人嘅生活... 原来唔係！

迷上王菀之

最近迷上佐一个女孩嘅歌曲，佢就係王菀之。一个拥有如婴儿般纯洁嘅声音嘅女仔。喜欢佢嘅原因当然唔係因为佢样靓锦简单啦。我喜欢佢有住能够带出意境嘅才华，亦喜欢佢能带出听歌者情绪嘅声音。即係无论係快乐嘅歌抑或悲情嘅歌，佢都能够带得出来。尤其是当我用耳机听佢嘅歌时，更能够让我心里百般滋味。以前只有陈绮贞能让我有呢种感觉，而加多佐个王菀之。

究竟我係几时开始认真地听佢嘅歌嘅呢？计计下，都应该係大半年前嘅事了。话说当时我疯狂追紧一套TVB电视剧《银楼金粉》。某日嘅我，觉得首主题曲好好听。于是我就上网搵究竟係何许人唱嘅，之后我就发现佐王菀之了。然后，慢慢地我就开始寻找佢嘅歌，开始听佢嘅专辑了。然后慢慢地，我就迷上佢了。

喺佢嘅锦多歌里面，我一开始係喜欢一首叫做《小心易碎》嘅歌曲。慢慢地，我又喜欢《一秒感动》。而近期，我经常都会听《幸福》。基本上，我喜欢嘅都唔係啲乜嘢开心嘅歌来嘅。哈哈，可能本身我就係喜欢悲歌较为多。

还记得有一次，我放紧假嘅某日，我瞓觉。然后发佐个梦，梦里嘅我处身于一个游乐园。感觉就係好快乐。重点係我脑内一直都係播放紧佢嘅歌，一首听起来好有童景嘅感觉。好开心嘅。首歌叫做《多得你梦》。有兴趣嘅朋友不妨听听。

不过，讲到底，我都係较为喜欢佢嘅粤语歌曲，可能係因为我係一个讲粤语嘅人，所以听起来特别有感觉嘅原因啦。